அழகிய தோற்றம்!

Vasundhara வாழ்க்கை Leave a Comment

மற்றவர்களுக்கு உதவுவது பலமுறை திரும்பி வரும்
போலீஸ்காரரிடம் கற்றுக் கொண்ட பாடம்

அழகிய தோற்றம்!


நீங்கள் கட்டாயம் ஒத்துக் கொள்வீர்கள்! பெண்ணோ ஆணோ, நமது  முக்கிய தேவைகள் திருப்தியான பிறகு நாம் முதலில் விரும்புவது நமது அழகான தோற்றம் தான்!  உண்மை என்னவெனில்,  எந்த இனம், நிறம், உயரம், பருமன் ஆனாலும் எவரும் அழகாக இருக்க முடியும். எவரும் பரிபூரணமாக பிறப்பதில்லை. உங்கள் தோற்றம் நன்றாக இருக்க வேண்டும் என்று நீங்கள் விரும்பினால், அது எப்படி என்று நீங்கள் கற்றுக்கொள்ள வேண்டும்.  உட்புறம், வெளிப்புறம்,  உடல், மனம் – இவற்றின் முன்னேற்றத்திற்கு  கற்றல் அவசியம்.

முதலாவதாக, அழகிய தோற்றத்தின் அடிப்படைகளை தீவிரமாக எடுத்துக் கொள்ள வேண்டும்.  அவை: ஆரோக்கிய உணவு, உடற்பயிற்சி, ஆழ்சிந்தனை, தியானம்.  அதாவது, உடல் நலம், மன நலம், இரண்டையும் கண்காணித்து முன்னேற்றுவது மிகவும் அவசியம். இவை எல்லா வயதினருக்கும் தேவை தான்.

நாம் பொதுவில் எப்படி யோசிக்கிறோம் என்பது உள்பட எதைச் செய்தாலும் நம் பழக்க வழக்கத்தினால் தான் செய்கிறோம். அதனால் நமது தவறான  வழக்கங்களை குழந்தையின் அடி போல் சிறிது சிறிதாக மாற்றுவது அவசியம். உடற்பயிற்சி, சரியுணவு, இவற்றுக்கு எல்லைகள் நிர்ணயித்துக்கொள்வதும், தீர்மானங்கள் செய்துக் கொள்வதும் சிலருக்கு உதவலாம்.  ஆனால் பெரும்பாலானோருக்கு மன அழுத்தம் சிரமத்தை அதிகரிக்கும்.  காரியம் வெற்றியடைந்தால்  சரி தான். இல்லையெனில், நாம் நம்மைப் பற்றி குறைவாக நினைப்பதுடன், நம்மை முன்பை விட அதிக துயரத்தில் ஆழ்த்தக் கூடும். நமது நோக்கத்தையும் அடியோடு விட்டு விடச் செய்யக் கூடும்.

அறிவு, அறிந்ததைப் பற்றி சிந்தனை, புரிந்துக் கொள்ளுதல் – இவை தான் நம்மில் புத்துணர்ச்சி உண்டாக்கி,  முடிந்ததை நம்மால் செய்ய முடியும் என்ற நம்பிக்கையை ஊட்டும்.  அவ்வப்போது தவறலாம். அதுவும் சரிதான். நாம் வாழும் விதம் நமக்கு பரிட்சை ஒன்றும் இல்லை. நமக்கு யாரும் தோல்விப் பட்டம் தரப் போவதில்லை! நாம் வாழும் விதத்தை நிர்ணயிப்பது நாமே தான்.  நமக்கு நல்லது என்பதற்காக ஒன்றைச் செய்ய வேண்டுமே தவிர மற்றவர்கள் நம்மை அங்கீகரிப்பதற்காகவோ அல்லது அவர்கள் நம்மை வெறுப்பார்களோ என்பதற்காகவோ செய்யக் கூடாது.

நமது மனநிலை சரியில்லையெனில், நமது வெளித்தோற்றமும் அழகில் குறைவடையும்.  மன நலம் மிகவும் முக்கியம். அதன் முன்னேற்றத்திற்காக, பல செயல் முறைகளும், யுக்திகளும் உள்ளன.  தியானம், ஆழ்சிந்தனை, யோக உடற்பயிச்சி, சுவாச முறைகள், அமைதி தரும் சொற்களை கேட்பதும் பார்ப்பதும், அமைதியில் ஆழ்ந்திருக்கும் ஞானி அல்லது அவரது அறிவுரைகளின் சமீபம் – இவை அனைத்தும் நம்மை ஆசுவாசப் படுத்தும். இவற்றில் உமக்குப் பிடித்ததை பின்பற்றலாம். குறைந்த பட்சம் ஆரோக்கியமான உணவும் சிரிதளவாவது உடற்பயிற்சி செய்வதும் எல்லோராலும் முடியும், இல்லையா?

இதெல்லாம் மிகவும் சுலபம் என்று யாராவது சொன்னால், அவர்கள் உங்களை ஏமாற்றுகிறார்கள். முயற்சியும் உழைப்புமின்றி எதுவும் கிடைக்காது.  அதனால் நீங்கள் தோற்றத்திலும் உணர்விலும் முன்னேற்றத்தை விரும்பினால், முயற்சி செய்ய வேண்டும். சில சமயம் மற்றவர்களுடன் சேர்ந்துக் கொண்டு பயிற்சிகள் செய்வது எளிதாக இருக்கலாம்.

ஜாக்கிரதை! தயவு செய்து உங்களை மற்றவர்களுடன்  ஒப்பிடாதீர்கள்! இது மிகவும் முக்கியம். ஒவ்வொருவரும் அவரது தனிப்பட்ட காரணத்திற்காக இவ்வுலகில் தோன்றியுள்ளார். இது மற்றவர்களின் விவகாரமில்லை. நீங்கள் செய்வதெல்லாம் உங்கள் நலத்துக்காக, உங்கள் அருகிய குடும்பத்தின் நலத்துக்காக.  மற்றவர்கள் உங்களுக்கு “பதக்கம்” (மெடல்) ஒன்றும் தரப்போவதில்லை!

நல்ல தோற்றத்தோடும், நல்ல மனநிலையோடும் வெளியுலகில் உறவாடும்போது, நீங்கள் மற்றவர்களுக்கும் உதவுகிறீர்கள்.  சுற்றுப்புறத்திலும் உங்கள் அழகும் அமைதியும் பரவுகிறது.  நறுமணம் திகழ்கிறது. எல்லோருக்கும் இன்பமளிக்கிறது. அவர்களும் உங்களிடமிருந்து கற்றுக் கொண்டாலும் ஆச்சரியமில்லை! எனவே பாருங்கள், உங்களை நீங்கள் சரியாக கவனித்துக் கொண்டால், மற்றவர்களுக்கும் அது பலன் அளிக்கிறது.

சுருங்கச் சொன்னால், நாம் நம் நலனை கண்காணித்துப் பார்த்துக்கொண்டால், தன்னியக்கமாக அதன் பக்க விளைவு அழகிய தோற்றம் தான்!  இதில் சந்தேகமே இல்லை!

மற்றவர்களுக்கு உதவுவது பலமுறை திரும்பி வரும்
போலீஸ்காரரிடம் கற்றுக் கொண்ட பாடம்
Vasundharaஅழகிய தோற்றம்!

Leave a Reply

Your email address will not be published. Required fields are marked *

Like Us On Facebook

Like Us On Facebook

Like Us On Facebook

Like Us On Facebook

Like Us On Facebook

Google+ Badge

Google+ Badge